pdf en castelán: Sierra del Escudo de Cabuérniga
pdf do mapa: Sierra del Escudo de Cabuérniga
SITUACIÓN: Valdáliga, Cabezón de la Sal, Ruente e Cabuérniga (Cantabria
PUNTO DE PARTIDA: San Vicente del Monte (317 m)
ACCESO: A San Vicente del Monte chégase dende a estrada N – 634 desviándose a altura de Treceño pola comarcal CA – 851. San Vicente del Monte está a 5,5 km de Treceño.
HORARIO: 5/6 h DESNIVEL: 550 m
DISTANCIA: 16 km DIFICULTADE: Media
TIPO DE RUTA: Circular MAPA: I.G.N. – 57 – II
SINOPSE: As principais características desta ruta son as paisaxísticas, florales e faunísticas. Os amplos e profundos vales onde se asentas a maioría das poboacións quedan delimitados por importantes cadeas montañosas. A serra do Escudo de Cabuérniga encerra recunchos autenticamente salvaxes onde conviven animais e plantas en comprida armonía. Entre as plantas sobresaen faias e carballos, acivros, breixos e fentos, mentres que pola banda animal, os corzos son a principal poboación, existindo tamén, lebres, azores, mouchos e martas así como un número moi grande de paxaros de talla pequena que de seguida se deixa ver aos excursionistas.
DESCRICIÓN DA RUTA: Saímos camiñando dende o albergue (317 m) en dirección leste a través do val do río San Vicente. Despois duns dous quilómetros e medio chegamos aos invernais de San Ciprián ( 409 m) onde o camiño cambia a dirección sur leste cara a braña de Las Tiesas (530 m), chegando xa a encumarnos no alto da serra de El Escudo.
Poderíamos seguir toda a liña da serra en dirección oeste pero baixamos cara ao sur ata conectar cunha pista que nos vai levar ao monte Aá. Vamos sen desniveis apreciables ata un gallamento do camiño. Neste lugar collemos á esquerda para baixar ata a seguinte bifurcación onde conectamos coa pista que ve de Ruente.
Unha vez nesta galladura, damos un xiro a dereita (O) para seguir por cómodo trazado o regato do Monte Aá. A pista comeza a gañar altura despois de unha curva a dereita pasando preto da Casa del Toro Roza (330 m), fai outra curva cerrada a dereita para seguir subindo a través do bosque de caxigueiras con faias, onde temos as árbores singulares como o Caxigo Cubilón.
Continuamos agora por cómoda subida ata o Collado del Monte Aá (577 m) onde temos varias brañas espalladas polo entorno. Un cartel indica a dirección ás alturas da serra polo que temos que coller á dereita. O camiño fai un par de amplas revoltas antes de comezar o chan baixo o cordal. De seguida atopamos un desvío á esquerda que, xa por terreo despexado, remonta en diagonal a ladeira ata o cimbro de La Alisa.
Á esquerda temos o Cueto Herranz García (869 m) sinalado cun pequeno cartel de madeira. Dende este balcón natural, a paisaxe ábrese en todas direccións: Comillas, Oyambre, a ría de San Vicente de la Barquera polo norte e os Picos de Europa, Peña Sagra, Saja, etc., polo sur é todo un espectáculo que pode entreternos un bo tempo.
Proseguimos a andaina camiñando en dirección oeste ata atopar o antigo camiño de orixe romano que atravesaba esta serra. Baixamos agora pola ladeira norte da serra pola calzada chamada Cambera de los Moros que nos vai depositar nunha pista a altura de Las Majaucas (320 m).Vamos a dereita seguindo a canle do río Escudo para chegar de novo a San Vicente del Monte.
Etiquetas: Cantabria, Saja-Besaya, Sendeirismo
